ഒട്ടു വര്‍ഷങ്ങള്‍ മുമ്പൊരുത്തമ
ബുദ്ധിമാന്‍ തന്ടെ സിദ്ധിയില്‍
ബുദ്ധിമാന്‍ തന്ടെ സിദ്ധിയില്‍
പെറ്റുവീണു പോല്‍ ടീവിയെന്ന പേര്-
പെട്ടു ലോകത്തിലെത്തി ഞാന്‍
പെട്ടു ലോകത്തിലെത്തി ഞാന്‍
ആലയങ്ങള്‍ക്ക് ചാരുത നല്‍കി
സ്വീകരണ മുറികളില്‍
സ്വീകരണ മുറികളില്‍
മേവിയേവർക്കു മോമനയായി
പ്രായഭേദങ്ങളെന്നിയെ
പ്രായഭേദങ്ങളെന്നിയെ
കേബിള്‍ വന്നെന്നില്‍ നൂറുനൂറായ
ചാനല്‍ ഭാഗ്യങ്ങള്‍ തീര്‍ക്കവെ
ചാനല്‍ ഭാഗ്യങ്ങള്‍ തീര്‍ക്കവെ
കേറി ഞാനഹങ്കാരമേടയില്‍
കൂറുകെട്ടുള്ള മര്‍ത്യര്‍ പോല്‍
കൂറുകെട്ടുള്ള മര്‍ത്യര്‍ പോല്‍
ആരും കാണാത്ത മൂല തള്ളിയ
റേഡിയോവിനെ നോക്കി ഞാന്‍
റേഡിയോവിനെ നോക്കി ഞാന്‍
പേര് ചൊല്ലി ഹസിച്ചു പോന്നെന്നും
ആരുണ്ടെന്നെക്കാള്‍ കേമനായ്
ആരുണ്ടെന്നെക്കാള്‍ കേമനായ്
ഏറെക്കാലമീ ക്രീസില്‍ ഞാനെന്ടെ-
യാധിപത്യം തുടരവേ
യാധിപത്യം തുടരവേ
ഓടി വന്നൊരു ബൌളര്‍ , 'ഇന്റര്‍ നെറ്റ്'
ധാടിയില്‍ ക്ലീനൌട്ടാക്കി മേ
ധാടിയില്‍ ക്ലീനൌട്ടാക്കി മേ
വാടി ഞെട്ടിയടര്‍ന്നൊരു പഴ-
പ്ലാവില പോലെ വീഴവെ
പ്ലാവില പോലെ വീഴവെ
റേഡിയോവീന്നു കേട്ടുവോ
ദയനീയമാം കരീലച്ചിരി!
ദയനീയമാം കരീലച്ചിരി!
No comments:
Post a Comment