എത്ര നേരമായീയഴിക്കൂട്ടില്‍
കാത്തിരിപ്പൂ നിമിഷങ്ങളെണ്ണി
എത്തിയില്ലെനിക്കന്പോടെയേകാന്‍ ,
അപ്പവും പാലുമായെന്ടെയമ്മ
സ്നേഹമോടെന്‍ ശിരസ്സില്‍ തലോടാന്‍
ശ്യാമരോമങ്ങള്‍ ചീകിയൊതുക്കാന്‍
പേരുചൊല്ലി വിളിച്ചുലാളിക്കാന്‍
ചാരെയെത്തിയില്ലിന്നെന്ടെയമ്മ.
അങ്ങകത്തുനിന്നേങ്ങലടികള്‍
നെഞ്ഞുകീറുമാറിങ്ങു കേള്‍ക്കുന്നു
അമ്മതേങ്ങിക്കരയുന്നുവെന്നോ
വിങ്ങുമെന്‍ മനമാകുലമാര്‍ന്നു
ഇന്നലെരാവിലാരോ കനിവാല്‍
തെല്ലുചോറെന്ടെ മുന്നിലായ് തന്നു
അമ്മയുണ്ണാതുറങ്ങാതെ മാഴ്കെ
ഉണ്ണുവാനെനിക്കാവതുണ്ടാമോ
ചുറ്റുവട്ടത്തെയാളുകള്‍ വന്നീ-
മുറ്റമേറീ വിഷണ്ണരായ് നില്‍ക്കെ
ഊറ്റമോടെ കുരച്ചുചാടാതെ
മാറ്റുമങ്ങി ഞാന്‍ മൂകനായ്‌ നില്പൂ
കഷ്ട,മമ്മക്കുചിത്തം ഭ്രമിച്ചോ
ഉറ്റവര്‍ക്കുവിപത്തുഭവിച്ചോ
ഒട്ടുതോരാത്ത കണ്ണുനീരെന്തേ
ദു:ഖഭാവത്തിനാധാരമെന്തേ
കൂടിനില്‍ക്കും മനുഷ്യരെ നിങ്ങള്‍
കൂടിന്‍ വാതിലൊന്നുതുറന്നെങ്കില്‍
ഓടിച്ചെന്നാ തണുത്ത പാദത്തില്‍
താടി ചേര്‍ത്തു കിതച്ചു നിന്നേനെ
എന്ടെ സാമീപ്യമമ്മക്കുനല്കും
തെല്ലുസാന്ത്വനമെന്നറിയുന്നേന്‍
ഇല്ല,ബാലിശമെന്ടെ മോഹങ്ങള്‍
പുല്ലുപോലെ വലിച്ചെറിയുന്നേന്‍
എന്തുവൈചിത്ര്യ,മീമര്‍ത്യലോകം
തല്ലിയേല്പിച്ചു,പണ്ടേ നിയമം
'നന്ദിയുള്ളവര്‍ നിങ്ങളെന്നാലും
ഉമ്മറത്തോളമേ വന്നിടാവൂ'
********************
(കണ്ണാടി കാണുമ്പോള്‍ എന്ന കവിതാ സമാഹാരത്തില്‍ നിന്ന്)
ഊറ്റമോടെ കുരച്ചുചാടാതെ
മാറ്റുമങ്ങി ഞാന്‍ മൂകനായ്‌ നില്പൂ
കഷ്ട,മമ്മക്കുചിത്തം ഭ്രമിച്ചോ
ഉറ്റവര്‍ക്കുവിപത്തുഭവിച്ചോ
ഒട്ടുതോരാത്ത കണ്ണുനീരെന്തേ
ദു:ഖഭാവത്തിനാധാരമെന്തേ
കൂടിനില്‍ക്കും മനുഷ്യരെ നിങ്ങള്‍
കൂടിന്‍ വാതിലൊന്നുതുറന്നെങ്കില്‍
ഓടിച്ചെന്നാ തണുത്ത പാദത്തില്‍
താടി ചേര്‍ത്തു കിതച്ചു നിന്നേനെ
എന്ടെ സാമീപ്യമമ്മക്കുനല്കും
തെല്ലുസാന്ത്വനമെന്നറിയുന്നേന്‍
ഇല്ല,ബാലിശമെന്ടെ മോഹങ്ങള്‍
പുല്ലുപോലെ വലിച്ചെറിയുന്നേന്‍
എന്തുവൈചിത്ര്യ,മീമര്‍ത്യലോകം
തല്ലിയേല്പിച്ചു,പണ്ടേ നിയമം
'നന്ദിയുള്ളവര്‍ നിങ്ങളെന്നാലും
ഉമ്മറത്തോളമേ വന്നിടാവൂ'
********************
(കണ്ണാടി കാണുമ്പോള്‍ എന്ന കവിതാ സമാഹാരത്തില്‍ നിന്ന്)
